

D3462

མཆོད་པ་དང་། སྨོན་ལམ་བཏབ་ནས་ལྡང་བར་བྱའོ། །ལྷ་རྣམས་ཀྱི་ང་རྒྱལ་གྱིས་འཇིག་རྟེན་པ་ཐམས་ཅད་ཀྱི་དོན་བྱའོ། །དཔའ་བོ་གཅིག་ཏུ་གྲུབ་པའི་སྒྲུབ་ཐབས་རྫོགས་སོ།།[་]@##། །རྒྱ་གར་སྐད་དུ། བཱ་ཀ་སཱ་ དྷ་ནཾ།བོད་སྐད་དུ། ངག་གི་སྒྲུབ་ཐབས། ངག་གི་རྡོ་རྗེ་ལ་ཕྱག་འཚལ་ལོ། །སྔོན་མ་བཞིན་དུ་སྟོང་པ་ཉིད་དུ་བསྒོམས་ནས་པཾ་ཡིག་ལས་སྐྱེས་པའི་སྣ་ཚོགས་པདྨ་ལ་ཨ་ཡིག་ལས་སྐྱེས་པའི་ཟླ་བའི་དཀྱིལ་འཁོར། དེའི་སྟེང་དུ་ཧྲཱིཿཡིག་དམར་པོ་ཡོངས་སུ་གྱུར་པ་ལས་བདག་ཉིད་འོད་དཔག་ཏུ་ མེད་པའི་སྐུར་བསྒོམ་པར་བྱའོ།།ཏིང་ངེ་འཛིན་གྱི་ཕྱག་རྒྱ་མཛད་པ་སྐུ་མདོག་དམར་པོ་རྡོ་རྗེ་སྐྱིལ་ཀྲུང་གིས་བཞུགས་པའོ། །དེ་ནས་སྙིང་གར་ཟླ་བ་ལ་ཧཱུཾ་ཡིག་ལས་སྐྱེས་པའི་རྡོ་རྗེ་སྔོན་པོ་རྩེ་ལྔ་པ་ལངས་པ། དེའི་རྭ་དབུས་མའི་རྩེ་མོ་ལ་ཨཱཿཡིག་དམར་པོ་བསྒོམ་པར་བྱའོ། །ལྕེའི་རྩེ་མོ་ལ་ཧྲཱིཿཡིག་ ་དམར་པོ་ལས་སོ།